Aichuk siyari 

- Sarup Tripura


Aichuk siyari chop chop

Nungle sijak phaikha

Chumui naithokma haikhe nungle naithokha. 


Sal pakhe teisa naithokhamung

Sal payani bwkha jala

Nono naithokhe nokni muchungma. 


Ani mokol le lokjak tongkha

Bifro nung ani samgoba phaisinai, 

Chumui kobonma haikhe kobonwui. 


Naising tongjao nono le ang

Hopung sapung lobgwi tongjao nono ang

Phaigwi risidi hamjakmung kopulung nini. 


Chobgwi tongsinai nono, ani khani songdukgo

Baklia nono tei kebono ano karwi.